2007-1-3 09:56 AM
july722
[轉貼]典型香港人的生活
[size=15px]睇完成個人灰晒...............
有一個人
搵5-6千蚊一個月
出去租間最平的舊樓都要4-5千蚊一個月
然而包租婆自己供都係二千零蚊一個月
想同佢投訴
佢話呢區間間都係收緊呢個價錢架喎
邊個叫你無錢俾首期呀？有錢就買左佢唔好租oY
一份人工大半就咁俾包租婆賺左
點生活??
呢個人識左個女朋友
小倆口一齊返工
加埋有二萬零蚊一個月
決定同番屋企人住慳ｄ錢
每人俾四千蚊屋企人做家用
淨番萬二
當儲到一萬蚊一個月
一年儲到十二萬
五年先儲夠60萬可以夠俾首期買層四百零呎的舊樓
點生活？
小倆口決定結婚
每個月儲緊一萬
頭五年用左黎儲錢俾首期
儲多兩年應該都夠裝修
再儲多三年先夠36萬用黎結婚擺酒
擺完d三姑六婆仲要話你o係新光酒樓擺酒咁cheap
單單打打你地一世
點生活？
小倆口唔想捱成十年先結到婚
決定偷偷地註冊左先
搵銀行按上按買左層樓
仍然要俾十份一樓價做首期
而層樓的十份一係窗台。
650呎單位實用面積係500呎
當中100呎係走廊
廚房只係放到一個煮食爐同洗衣機
個雪柜要放出廳
個廁所要企上個塔度先閂到門
呢層咁o既樓每個月要供$8000
加埋$8000俾左屋企
淨番四千零
個老婆話：「我慳ｄ駛, 呢幾年唔買衫, 唔去旅行, 我地少d出去食飯, 總捱得
到o既」
點知買樓果時唔記得計埋管埋費
sorry呀我地公司公價每呎係兩蚊管理費
四千零咁又冇左千五
仲係用黎養門口果個日日對你黑口黑面成日偷懶訓覺o既看更
同埋管理處果位從來乜都幫唔到你日日返工打牙較o既小姐
計埋水電冷氣費
點生活？
小兩口捱下捱下終於捱左十年
呢十年計埋淨係加左十零%人工
小倆口已經好滿意
如果加得太多佢地反而驚公司會搵佢\地開刀請過ｄfresh grad黎做
二按果筆已經還晒
每個月總算可以多番三四千蚊用ｄ
呢個時候，個老婆發覺自己大左肚
但層樓仲有15年要供
份工又唔知幾時會冇左
如果生左個仔
點生活？
又過左五年，小倆口變成老倆口，差唔多四十歲了
個仔先三歲大
出街有時會俾人問「你個孫呀？好趣緻喎！」
呢個時候，佢地搵緊唔夠三萬蚊
但一年就要交成二萬幾蚊稅
佢地發現每年有十份一人工係用黎救濟ｄ新移民
同埋養ｄ綜緩阿伯返大陸叫雞包二奶
同個仔去報小學
隔離左右個個都係操不純正廣東話但能操流利廣東粗口的新移民師奶
睇住佢地ｄ細路o係地下度玩吐痰了鼻屎碌地沙
呢個時候，小倆口開始唔想個仔入一間咁o既學校，同ｄ咁o既細路做同學
雖然自己一路交緊稅去維持九年免費教育
但佢地都放棄左呢個公民權利
於是決定報間私校
每個月又唔見左幾千蚊
點生活？
又過左十年，老兩口五十歲，層樓終於供完了，二人升左做middle managers
計埋有五萬蚊一個月
一年交八萬蚊稅。
間屋裝修過一次。
每個月都要整下d水喉窗台滲水咁
養左隻狗。
買左架車。
過去廿年，
去過八次旅行，
當中六次係返大陸。
而家佢地個仔十三歲
倆口子開始安排送個仔出國讀書
計計下
每個月食宿連學費就冇左萬五蚊
但為左佢的將來無計，
唔係個仔第日大左
點生活？
五年後，倆口子五十五歲，
依然搵五萬蚊一個月，無俾人開刀減薪算係好好。
佢地個仔18歲，
報到一間不太差又不太好的大學，
每個月住宿駛費連學費無左二萬幾。
個老婆晚晚要捱住個仔，成日喊，無心情同老公做愛。
每個月二千蚊長途電話費
當中3/4，係個仔用黎打電話俾佢香港ｄ女朋友。
老婆要求每年聖誕去美國探個仔一次
個仔每年暑假返黎一次
機票連外地駛費每年無左五萬蚊
你仲要發覺你個仔ｄmileage多過你
次次返香港都upgrade上business
你倆老就捱15個鐘economy class去探佢。
呢個時候，老倆口本應仲有十年就退休
倆口子發覺除左強積金之外佢地無任何儲蓄
銀行長期保持30000左右結餘 - - - 係僅僅夠佢地一個月生活的開支
而且佢地公司業務就麻麻
一個唔小心隨時連份工都無埋
點生活?
又過左十年，老倆口退休了
佢地個仔剛剛master畢業
返左黎香港搵工
倆口子大喜。
今日個仔同ｄ中三畢業中五畢業中七畢業本科畢業的
一齊見緊份5-6千蚊的工
見工果時仲要俾人潤一句
你咁好學歷，我地呢份工驚屈質左你喎
個仔越見越驚
開始後悔出國讀書
同後悔無工作經驗
結果呢份工請左個中三畢業o既。
呢份工，係叫做management trainee.
連工都搵唔到，
點生活？
兩星期後，老倆口開始考慮要唔要做番野
呢個時候個仔收到電話叫佢開工
原來之前果份工個個都唔做，
中三果個有六年工作經驗，搵到第份萬二蚊的工
中五果個有四年工作經驗，搵到第份一萬蚊的工
中七果個有兩年工作經驗，搵到第份八千蚊的工
本科畢業果個返左去讀master
結果呢個外國返黎的碩士生就做左一份5-6千蚊的工
點生活？
最後
請回到本文頭一行~[/size]
[size=4][color=darkorchid][唔豬有冇人post過呢,,有既唔該del XD][/color][/size]
2007-1-3 01:32 PM
cyberbthunting
"四千零咁又冇左千五...計埋水電冷氣費, 點生活？小兩口捱下捱下終於捱左十年" 如果係我, 我去都呢度都已經捱唔住, 邊會捱到十年呢????
我都信香港某一個角落會有呢個故事發生, 但係其實, 呢個故事, 都係圍繞住慾望, 要求, 錢! 我唔係話人唔應該去追求呢d野, 每個凡人都有自己既慾望, 聖人就會無! 人生係要有目標既, 先有衝勁, 但唔好比呢d目標牽住走! 始終識得'知足常樂'就最重要!
人永遠都係得一想二, 永不知足! (我都係學習當中! 做唔做到係另一件事! 其實係要過得到自己果關就一天都光晒!)
好似故事主人翁咁, 佢可以唔買, 一世租屋架, 但係因為佢覺得幫人供樓, 不如自己買! (我估 o者, 但係好多買樓既人都係咁諗! 我都係!) 但我相信香港總會有d人, 搵朝唔得晚, 每個月有$$$淨都係一件難事! 買樓對呢d人黎講, 係一個奢望! 咁, 故事主人翁已經好好啦! 如果故事主人翁搵朝唔得晚既, 佢唔會諗買樓! 就因為佢有$$$淨, 所以佢想好D, 所以就諗買樓!
36萬儲得咁辛苦, 佢地用左黎擺酒, 唔係話佢地做門面野, 佢地用36萬黎擺酒, 係因為佢地心目中覺得36萬係佢地可以afford 到spare出黎擺酒用! 如果佢地真係手頭緊, 佢地6萬都唔會洗黎擺酒! 有Ｄ人無多餘$, 就咁食一餐, 就當擺左酒啦! 有d人會用廿幾萬去用黎擺一晚酒, 有d人好似李克勤咁, 洗咁多$$$為左一晚既高興, 為左老婆有個難忘既婚禮, 有d好似李嘉城咁, 結婚要環遊世界! 因為每個人個荷包唔同, 自然慾望都唔同!
佢買個650呎既單位, 係因為佢地想住好d, 如果佢地供得辛苦, 佢地可以買個500 呎呀! 都會夠用呀! 人地公屋個d, 唔計公屋富戶, 可能都係一間屋住左7-8 個人喎, 我自己屋企以前都係300-400呎, 住左4-5個人, 有人要做廳長! 都可以生存呀! 故事主人翁又係得一想二!
(我自己都係呀, 我有首期買個1 bedroom apartment, 會供得好輕鬆, 但係我又會諗, 買個2 bedroom apartment好喎,有多間房, 有多餘地方放雜物喎! 但係會供得好辛苦! 我宜家都係struggle緊! 但係有時會諗, 我可以有首期買1 bedroom 已經好過好多人, 有人連首期買個studio都唔得, 人總係貪心, 得一想二! 就要睇我自己幾時諗得通, 諗得化!)
果主人翁夠$$$買個1000呎既, 佢都會走去供個1000呎, 唔會輕輕鬆鬆咁供個650呎架!
要個仔讀私校: 我相信會有好多成功人士都係出身於公立學校, 又生存到o者, 都可以出頭架! 又係慾望o者! 唔通讀公立果d, 就真係一文不值????
其實, 好多人都係比自己既慾望 & 要求, 困死自己! 知足常樂呀! 你越set得個目標高, 你越辛苦! 退一步, 可能真係會海闊天空! 好似你測驗羅開90分既, 你總會唔滿意, 你總會想羅95分, 但到你羅到95分, 你又會想羅100分! 但係你可以用另一個角度去諗, 你都已經係成級既95 percentile, 都好好啦! 係唔係會開心d呢?! 慾望係無止景既! 可能首富李嘉城會諗緊下一個目標係做世界首富!
一切都係你自己點睇! 香港可能有個家庭, 銀行戶口無你咁多$$$, 人工無你咁多, 但係可能都好開心喎!:em33: